Смарт таълим технологиялари

Равшан Аюпов

"O'zbekistonda aqlli (smart) ta'lim texnologiyalarining rivojlanish istiqbollari" deb nomlangan ushbu monografiya yangi smart pedagogik texnologiyalar yo'nalishiga bag'ishlangan bo'lib, unda turlisohalarda dars beruvchi professor-o'qituvchilar uchun dars berishning (yoki ommaga ma'lumot berishning) bir qancha interfaol uslubda bo'lgan zamonaviy smart ta'lim usullari hamda dasturiy-texnik vositalarining imkoniyatlari yoritiladi. Risolada yoritilgan interfaol muloqot tizimlari dars davomida talabalar bilan bevosita muloqot qilishning zamonaviy dasturiy-texnik vositalari bo'lib, ular vositasida o'qituvchi va talabalar (tinglovchilar) orasida real vaqt rejimida to'g'ridan-to'g'ri axborot almashinuvi amalga oshiriladi. Bunday dasturiy-texnologik tizimlarda kompyuter, o'qituvchi va talabalar orasida simsiz aloqa mavjud bo'lib, standart (yoki mahsus) taqdimotlar dasturiy ta'minoti orqali ma'lumot almashiniladi. Talabalarning tizim bilan aloqasi mahsus distantsion pultlar (televizornikiga o'xshash), mobil telefonlar, shaxsiy kompyuterlar yoki Internet orqali amalga oshirilishi mumkin bo'ladi. Bunday texnologiyani turli xil nomlar bilan ataladi, masalan, talabalardan ma'lumot qabul qiluvchi tizimlar, real vaqt rejimida javob beruvchi tizimlar, testlashtiruvchi tizimlar, interfaol aloqa tizimlari, talabalarning muloqot tizimlari va boshqalar. Ta'lim tizimda esa talabalarning smarttizimlari (SRS) yoki auditoriya muloqot tizimlari (ARS) kabi atamalar qabul qilingan. Talabalarning qo'llarida bo'luvchi mahsus distansion pultlarni esa ko'pincha «Clicker – Turtgich» deb ham ataladi. Bozorga keyingi paytlarda kirib kelgan bunday aqlli interfaol muloqot tizimlari mahsus dasturiy ta'minotni ham talab qilmaydi, ular ochiq arxitektura tamoyiliga asoslanib ishlaydilar va ma'lumotlarni mobil telefonlardan, smart tele-qurilmalardan, shaxsiy va planshet kompyuterlardan bemalol qabul qila oladilar. Ushbu risolada aqlli sinf (Smart Class) smart ta'lim texnologiyalari kompleksi (shu jumladan, TMSC-Team Model Smart Classroom, ezStation- Lecture Capture System, HiLearning-Student Tablet Solution, ezVizion-Document Camera, Haboard-Interactive Whiteboard System, HiTech-Interactive Teaching System, WebClick-Web Interactive Response System, ClouDAS-Cloud Computing, Diagnozing and Analysing Service, EEE Learning-Engage, Enrich, Enhance Learning, III Learning-Innovative, Interact, Improve Learning kabi zamonaviy smart ta'lim texnologiyalari tizimlari) ning tashkil etuvchilari va ularni ta'lim jarayonida qo'llash bo'yicha yetarlicha amaliy va nazariy ma'lumotlarberilgan. Risolamaktab va oliy o'quv yurtlari professor-o'qituvchilari hamda mustaqil lektorlar uchun mo'ljallangan.

Категория: интернет

Правообладатель: Kitobxon

Легальная стоимость: 981.12 руб.

Ограничение по возрасту: 0+